Comhlacht príobháideach teoranta, cláraithe mar charthanacht, is ea Díseart. Tá Bord Stiúrthóirí i gceannas air; baineann na baill le rannóga cultúir, léinn, oideachais, creidimh, ealaíne agus pobail faoin gcathaoirleach, an tOllamh Pádraig Ó Fiannachta.

Tá barrshamhail Chríostaí Ghaelach againn agus fáilte againn roimh cibé comaoin atá le bronnadh ag cultúir agus traidisiúin eile orainn. Tá sé d'aidhm againn spiorad muinteartha sochma a chothú sa timpeallacht álainn mheallacach seo againn.

Tá Díseart curtha faoi i bhfoirgneamh maorga nuaGhotach i lár gairdíní ciúine lena mballaí cloch agus a mbláthanna cumhra. Clochar le hOrd na Toirbhirte ab ea an foirgneamh Díseart roimhe seo. J.J. McCarthy, dalta le Augustus W. Pugin, a dhear. Tá séipéal álainn dea-eagair ann le sraith de dhosaen fuinneoga sleá le Harry Clarke a léiríonn imeachtaí móra i saol Chríost.

An tOll. Pádraig Ó Fiannachta MA, MRIA, DPh, Cathaoirleach an Bhoird

Bríd Ní Mhóráin, File

Isabel Bennett, MA, Seandálaí

Pádraig Firtéar, Príomhoide Scoile

Pádraig Ó Fiannachta, Fear Gnó

Siobhán Nic Uidhir MSc. FICS, Teicneolaí

Pádraig Ó Foghlú, Dlíodóir

Dorothy Ní Choistealbha, PBVM, Leas- Phríomhoide, Múinteoir

Máire Uí Shithigh, Oidhreacht Chorca Dhuibhne

Seán B. Mac an tSithigh, Cuntasóir

Eibhlín Nic Uidhir, PBVM

T.P Ó Conchúir, Pobal Chorca Dhuibhne

An tAth. Séamus Mac an tSithigh

Tá folúntais ag Díseart do phostanna samhraidh faoi láthair. Má tá aon mhic léinn gur spéis leo a léithéid de phost, ba cheart dóibh teagmháil a dhéanamh le Treasa ar 066 91 52476 nó facs a sheoladh chuig 066 91 52481 nó ríomhphost chuig info@diseart.ie