Díseart- Institiúid Oideachais agus Chultúr Dúchais

FUINNEOGA AN DAINGIN

Tá dhá fhuinneog déag chró snáthaide, sé phéire, le Harry Clarke i Séipéal an Dísirt sa Daingean bunaithe ar shaol Críost mar a instear sna raitis scrioptúrtha seo leanas ag tosnú ar chlé ar dhul isteach duit.

	1. Cuairt na Saoithe Agus ar dhul isteach sa teach dóibh, chonaic siad an leanbh agus Muire a mháthair, agus d'umhlaigh siad go talamh ag déanamh ómóis dó. Agus d'oscail siad a gcistí agus d'ofráil siad tabhartais dó, ór agus túis agus miorra. (Matha 2:11)
	2. Baisteadh Íosa Lá de na laethanta sin tháinig Íosa ó Nazarat sa Ghailíl agus fuair baisteadh sa Iordáin ó Eoin. Agus an túisce a tháinig sé aníos as an uisce, chonaic sé na flaithis ag oscailt ó chéile agus an Spiorad mar a bheadh colm ag teacht anuas air. Agus tháinig glór ó na flaithis: "Is tú mo Mhac muirneach; is duit a thug mé gnaoi." (Marcas 1:9-11)
	3. Ligigí do na leanaí teacht chugam Agus bhí siad ag tabhairt na leanaí chuige chun go sínfeadh sé a lámh orthu, ach bhí na deisceabail ag cur ceartú orthu. Ar a fheiceáil sin dó, tháinig mí-chéadfa air agus dúirt leo: "Ligigí do na leanaí teacht chugam, ná coisigí iad, óir is lena leithéidí seo ríocht Dé" (Marcas 10:13-14)
	4. An tSeanmóir ar an Sliabh: Na Biáidí Nuair a chonaic sé na sluaite, chuaigh sé an sliabh suas …. Thosaigh sé ag caint leo á dteagasc agus dúirt: "Is méanar dóibh seo atá bocht ó spiorad, óir is leo ríocht na bhflaitheas. Is méanar do lucht an dobróin, óir sólásófar iad. Is méanar dóibh seo atá ceansa, óir gheobhaidh siad an talamh mar oidhreacht .." (Matha 5:1-5)
	5. An tAllas Fola "A Athair" deireadh sé "más toil leat é, tóg uaim an cupa seo; ach nárab í mo thoilse a dhéanfar ach do thoilse. Agus chonacthas aingeal ó neamh dó á neartú. Ó bhí sé in anbhroid, ba dhéinide é ag guí; agus bhí a chuid fola mar a bheadh braonta ramhra fola ag sileadh go talamh. (Lúcás 22:42-44)
	6. Taispeánann Íosa á féin do Mháire Mhaigdiléana Dúirt Íosa léi: "A bhean cén fáth a bhfuil tú ag gol? Cé atá uait?" Mheas sí gurbh é an garraíodóir é agus dúirt leis: "A dhuine uasail, más tusa a thóg é, inis dom cár chuir tú é agus tabharfaidh mé liom é." "A Mháire," arsa Íosa léi. D'iompaigh sise agus dúirt as Eabhrais: "Rabúnaí", is é sin le rá: "A Mháistir" (Eoin 20:15-16)