|
Tá leabharlann chuimsitheach an
Stiúrthóra acadúil, an tOllamh Pádraig Ó
Fiannachta, Ceann Dhámh an Léinn Cheiltigh in Ollscoil na
hÉireann Má Nuad tráth, ar fáil do
scoláirí. Cnuasach é seo dá bhfuil d'ábhar
an Léinn Ghaelaigh i gcló, fara macasamhla de
lámhscríbhinní móra na hÉireann - Leabhar
Buí Leacan, An Leabhar Laighneach, An Leabhar Breac, Codex Wurzburg.
Baineann
Díseart feidhm as na gnéithe is nua-aimseartha den
teicneolaíocht faisnéise ina thaighdeadh agus ina theagasc.
Tá a leabharlann ag dul i méid de réir a
chéile.
|
|
|
Déantar taighdeadh ar ghnéithe uile
an chultúr dúchais ach béim ar leith ar an ealaín,
an litríocht, an spioradáltacht, an béaloideas, an
creideamh. Táthar ag súil leis go bhféachfar ar ár
n-oidhreacht leanúnach litearthai, i nGaeilge, i Laidin agus
ábhar i mBéarla.
Léirmheastóireacht agus
critic seachas teangeolaíocht agus gramadach an
phríomhspéis. Is é ár ndóchas go mbeidh
bláth ar an litríocht chruthaitheach, ar an diagacht
dúchais agus ar an ealaín, de thoradh an taighde. Beidh
taighdeadh scoláirí sabóideacha agus eile ag cur
lenár dtograí léinn; tá áis
foilsitheoireachta ar fáil.
|
|
|
